望覺堂青年部2024年將以 「基督的身體：身、心、社、靈」作為發展方向，以三個月為單位，推行當中一個主題，並每季舉行一次聯團活動：
1-3月為「身」，於3月舉行行山活動，鍛鍊身體。4-6月為「心」，於6月舉行道風山明陣行，踱步修心，貼近上主。7-9月為「社」，於9月舉行落區散步活動，認識油尖旺區的人和事。10-12月為「靈」，於12月舉行真人圖書館，探討不同宗教的異同，進行一場跨傳統的對話。
請大家密切留意我們的宣傳！
唔行唔知身體好！青年部今年好重視大家「身」、「心」、「社」、「靈」嘅成長，今次要衝出教會，去最近教會嘅山郊遊遊，吸收新鮮空氣，鍛鍊吓腳骨！Plz JOIN US 🤟
明陣(Labyrinth），是一條總有出路的迷宮，讓人在行走期間作禱告反思！經常要面對生活、學業、事業、人際關係、甚至是健康問題的你，不如嘗試體驗行明陣的奧妙，與上主親近，為生命的方向找出一絲曙光。
油尖旺一向俾人嘅印象係食＋玩，係極度商業化嘅地區。不過繁華嘅背後，原來有啲旺角街坊嘅生活並唔係咁富貴。今次青年部想跳出comfort zone，用「心」睇睇旺角街坊係五光十色背後嘅現實生活係點樣嘅，培養出關心社區需要嘅美好態度，期望實踐一下點樣服侍社區。
青年人成日咁忙，係時候嚟教會Chill吓喇！青年部今次特意係青年主日嘅下午，同大家一齊飲飲食食、JamJam歌、睇魔術表演，讓大家過一個輕輕鬆鬆嘅下晝。今次仲有幸運大抽獎添！快啲約埋啲friend一齊嚟吖。
鳴謝：
提摩太團契
ICU Band
MKC Band福音魔術師Mr Michael Cheung
"Katha" （KaKa & Catharine）
"結他工房" （Ar Mung & Raymond）
2023 聯校X'mas Party已經圓滿結束！
多謝英華書院敬拜隊、九龍真光中學敬拜隊及真光女書院敬拜二人組在聚會中獻唱，讓同學仔渡過愉快和有意義的聖誕party！
另外，亦特別鳴謝中華基督教會合一堂九龍堂的馬曉承弟兄分享他的生命故事，鼓勵一班中學生們尋找生命的意義和價值，還獻唱他創作的詩歌《尋回》，實在感謝主恩。
但願眾學子在功課的壓力下，享有愉快的聖誕節假期，更重要的是在聖誕節中得着那賜人平安的主基督！
各位同學，下年再玩過啦！！😆
.jpg)
